பள்ளி காலை வழிபாட்டு செயல்பாடுகள் - 20.11.2024

  

 திப்பு சுல்தான்

 

 

திருக்குறள்: 

"பால் :பொருட்பால்

 அதிகாரம் :தீ நட்பு

 குறள் எண்:817

 நகைவகையர் ஆகிய நட்பின் பகைவரால்

 பத்துஅடுத்த கோடி உறும்.

பொருள்:

(அகத்தில் அன்பு இல்லாமல் புறத்தில்) நகைக்கும் தன்மை உடையவரின்

 நட்பைவிட, பகைவரால் வருவன பத்துக்கோடி மடங்கு நன்மையாகும்."

பழமொழி :

Do your duty and then ask for your rights

கடமையை செய்து பின்பு உரிமையைக் கேள்.

இரண்டொழுக்க பண்புகள் :  

  *என்னிடம் உள்ள புத்தகம் மற்றும் நோட்டுகளில் இருந்து தாள்களை கிழித்து வீணாக்க மாட்டேன் . ஏனெனில் தாள்களை உருவாக்குவதற்காக நிறைய மரங்கள் வெட்டப்படுகின்றன என்பதை நான் அறிவேன்.                  

*எனது வீட்டிலும், பள்ளியிலும் எனது பொருட்களை உரிய இடத்தில் சரியாக அடுக்கி வைப்பேன்.

பொன்மொழி :

சிரிக்க தெரிந்த மனிதன் தான், உலகத்தின் மனிதத் தன்மைகளை உணர்ந்தவன்.- கலைஞர் கருணாநிதி

பொது அறிவு : 

"1. புகையிலை உலராமல் தடுக்க பயன்படும் பொருள்

விடை: கிளிசரால்

2. இந்திய திட்ட நேரம் ( IST ) எந்த நகரின் நேரத்தை குறிக்கின்றது?

விடை: அலகாபாத்"

English words & meanings :

 Calm -  அமைதி,

Cautious -  எச்சரிக்கையாக

வேளாண்மையும் வாழ்வும் : 

களைகள் மட்டும் அல்லாது நுண்ணுயிர்களும் பிரச்சினைகளை ஏற்படுத்தும். இவற்றில் ஆதிரப்பொட்டுக்கள் அடங்கும் (உதாரணம்: புழு பூச்சிகள், மிகச் சிறு பூச்சிகள்) மற்றும் நூற்புழுக்கள் ஆகியவை. பூசணங்களும், நுண் கிருமிகளையும்நோயை உண்டாக்கும்.

நவம்பர் 20

திப்பு சுல்தான் அவர்களின் பிறந்தநாள்... 

திப்பு சுல்தான் (நவம்பர் 20, 1750, தேவனஹள்ளி – மே 4, 1799, ஸ்ரீரங்கப்பட்டணம்), மைசூரின் புலியென அழைக்கப்பட்டவர். 1782 ஆம் ஆண்டிலிருந்து 1799 ஆம் ஆண்டுவரை மைசூரின் அரசை ஆண்டவர். திப்பு சுல்தான் ஹைதர் அலியின் இரண்டாம் தாரமான ஃவாதிமாவின் மகனாவார். பிரித்தானியப் படைகளுடனான இரண்டாம் ஆங்கில-மைசூர்ப் போரில் ஹைதர் அலி வெற்றி பெறுவதற்கு உறுதுணையாகவிருந்த திப்பு தனது தந்தையின் மரணத்திற்குப் பின்னர் மைசூரின் மன்னரானார். ஆங்கிலேயர்களை இந்தியாவை விட்டு அகற்றுவதற்காகப் பிரான்சின் மாவீரன் நெப்போலியனுடன் பேச்சுவார்த்தைகூட நடத்தினார்.[1]மூன்றாம் மற்றும் நான்காம் ஆங்கில-மைசூர்ப் போர்களில் பிரித்தானிய அரசினாலும் அதன் கூட்டுப் படைகளினாலும் தோற்கடிக்கப்பட்டார். மே 4, 1799 ஆம் ஆண்டு தனது ஆட்சித் தலைநகரமான ஸ்ரீரங்கப்பட்டினத்தில் போரின்போது இறந்தார்.

நீதிக்கதை

 ஒரு காட்டு பகுதியில இருக்குற குளத்துக்கு பக்கத்துல ஒரு குரங்கும் ஆமையும் ரொம்ப நண்பர்களா இருந்துச்சுங்க. ஒருநாள் குளத்துல குதிச்ச குரங்கு நீச்சல் அடிக்க முயற்சி செஞ்சுச்சு ,

எப்படி முயற்சி செஞ்சாலும் அதுக்கு சரியா நீச்சல் அடிக்க வரல. அப்ப தண்ணியில குதிச்ச ஆமை ரொம்ப அழகா நீச்சல் அடிச்சுச்சு ,அத பார்த்த குரங்குக்கு ரொம்ப பொறாம வந்திடுச்சு. அப்பத்தான் நீங்க மட்டும் எப்படி சுலபமா நீச்சல் அடிக்கிறீங்க ஆமையாரேனு கேட்டுச்சு குரங்கு. அதுக்கு ஆமை சொல்லுச்சு என்னோட உடம்பு அப்படி இருக்கு எனக்கு இருக்குற பெரிய ஓடு தண்ணியில நீந்த உதவி செய்யுது அதனால தான் என்னால் சுலபமா நீந்த முடியுதுனு சொல்லுச்சு.இத கேட்ட முட்டாள் குரங்கு அடடா சுலபமா நீச்சல் அடிக்க பெரிய ஓடு இருந்தா போதும்னு நம்பிடுச்சு.  உடனே பக்கத்துல இருந்த இலவம் பஞ்சுகள சேகரிச்சு தன்னோட முதுகுல பந்து போல கட்டிகிடுச்சு

ஆமை போல இப்ப தனக்கு பெரிய ஓடு வந்திடுச்சுனு சொல்லிட்டு தண்ணிக்குள்ள குதிச்சுச்சு குரங்கு. தண்ணில குதிச்சதும் பஞ்சு நனைஞ்சு குரங்கை உள்ள அமுக்க ஆரம்பிச்சுடுச்சு. இத பார்த்த ஆமை தன்னோட நண்பர்களை கூப்பிட்டு குரங்கு கட்டியிருந்த பஞ்ச பிச்சி போட்டு ,குரங்கை தண்ணியில இருந்து காப்பாத்துச்சு. தான் முட்டாள் தனமா நடந்துக்கிட்டத நினச்சு வெட்க பட்டுச்சு குரங்கு

நீதி: நம் அனைவருக்கும் கடவுள்  தனித்துவமான திறமைகளைக் கொடுத்து உள்ளார். நம் திறமைகளை வளர்த்துக் கொள்ள வேண்டும்.  

மற்றவர்களைப் பார்த்து அதைப் போன்று செய்ய நினைத்தால் தோல்வி தான் கிடைக்கும்

இன்றைய செய்திகள்

20.11.2024

* வாக்காளர் பட்டியலில் பெயர் சேர்ப்பு, நீக்கம்,, திருத்தம் தொடர்பாக நடத்தப்பட்ட சிறப்பு முகாம்கள் வாயிலாக 6 லட்சத்து 85 ஆயிரம் பேர் விண்ணப்பித்திருப்பதாக தலைமை தேர்தல் அதிகாரி தெரிவித்துள்ளார்.

* அதி தீவிர தொடர் கனமழை, கடல் சீற்றத்துக்கு வாய்ப்பு: நாகை மீனவர்கள் கடலுக்கு செல்ல தடை.

* வரும் கோடைக்காலத்தில் சீரான மின்விநியோகம் செய்வதற்காக, சென்னை மண்டலத்தில் 9 இடங்களில் ரூ.176 கோடி செலவில் துணைமின் நிலையங்கள் அமைக்கப்படும் என மின்துறை அமைச்சர் செந்தில் பாலாஜி தெரிவித்துள்ளார்.

* டெல்லியில் காற்று மாசு அதிகரித்து வரும் நிலையில் 12-ம் வகுப்பு வரை நேரடி வகுப்புகளுக்கு தடை: ஆன்லைனில் பாடம் நடத்த உச்ச நீதிமன்றம் உத்தரவு.

* இஸ்ரோவின் GSAT-N2 செயற்கைக்கோளை வெற்றிகரமாக விண்ணில் ஏவியது ஸ்பேஸ் எக்ஸ் ராக்கெட்.

* சீனா மாஸ்டர்ஸ் பேட்மிண்டன் போட்டி: இந்திய ஜோடி காலிறுதிக்கு முந்தைய சுற்றுக்கு முன்னேற்றம்.

* நேஷன்ஸ் லீக் கால்பந்து: குரோஷியா - போர்ச்சுகல் ஆட்டம் 'டிரா'.

Today's Headlines

* The Chief Electoral Officer has said that 6 lakh 85 thousand people have applied through special camps held for adding, deleting and correcting names in the voter list.

* Extremely intense continuous heavy rains, possibility of sea storm: Nagai fishermen banned from going to sea.

* Power Minister Senthil Balaji has said that substations will be set up at 9 places in the Chennai region at a cost of Rs. 176 crore to ensure smooth power supply in the coming summer.

* In-person classes banned up to class 12 as air pollution increases in Delhi: Supreme Court orders online classes.

* SpaceX rocket successfully launches ISRO's GSAT-N2 satellite.

* China Masters badminton tournament: Indian pair advances to the pre-quarterfinals.

* Nations League football: Croatia - Portugal match 'draw'.

 Prepared by

Covai women ICT_போதிமரம்