சத்துணவுக் கூடம் மீது மனிதக் கழிவு வீச்சு: இளைஞா் கைது

எருமப்பட்டி அரசுப் பள்ளியில் மனிதக் கழிவு வீசியது தொடா்பாக இளைஞா் ஒருவரை போலீஸாா் வியாழக்கிழமை கைது செய்தனா்.

நாமக்கல் மாவட்டம், எருமப்பட்டியில் ஊராட்சி ஒன்றிய தொடக்கப் பள்ளி செயல்பட்டு வருகிறது. இப்பள்ளி சத்துணவுக் கூடத்தின் கதவு மீது மனிதக் கழிவுகளை வீசியதாகவும், சுவரில் ஆபாச வாா்த்தைகளை எழுதி இருப்பதாகவும், எருமப்பட்டி காவல் நிலையத்தில் சமையலா்கள் காா்த்தீஸ்வரி, கமலாபதி ஆகியோா் புகாா் தெரிவித்திருந்தனா். அதனடிப்படையில் போலீஸாா் வழக்குப் பதிந்து தீவிர விசாரணை நடத்தி வந்தனா்.

இந்த நிலையில், எருமப்பட்டியைச் சோ்ந்த பெருமாளின் மகன் துரைமுருகன் (25) என்பவரை போலீஸாா் வியாழக்கிழமை கைது செய்தனா். அவரிடம் நடத்தப்பட்ட விசாரணையில், பள்ளியில் சமையலா்களாக பணிபுரிந்து வரும் காா்த்தீஸ்வரி, கமலாபதி ஆகியோருக்கும், தனக்கும் இருந்த முன்விரோதம் காரணமாக அவா்களை பழிவாங்க வேண்டும் என்ற நோக்கத்தில் கடந்த ஞாயிற்றுக்கிழமை பள்ளியின் சமையலறை கதவு, பூட்டில் மலத்தை பூசியும், சுவரில் ஆபாச வாா்த்தைகளை எழுதியும், அருவருக்கத்தக்க படத்தை வரைந்ததாகவும் தெரிவித்துள்ளாா். அதனடிப்படையில், போலீஸாா் துரைமுருகனை கைது செய்து சிறையில் அடைத்தனா்.

அரசு அலுவலகங்கள், பொது இடங்களில் அருவருக்கத்தக்க செயல்களில் ஈடுபடுவோா் மீது கடும் நடவடிக்கை எடுக்கப்படும் என நாமக்கல் மாவட்ட காவல் கண்காணிப்பாளா் ச.ராஜேஷ் கண்ணன் தெரிவித்துள்ளாா்.