பன்னிரண்டாம் வகுப்பு பொதுத் தேர்வுகளை ஒத்தி வைக்கவும், அனைத்து பள்ளிகளுக்கும் கோடை விடுமுறை அறிவிக்கவும் - தமிழக அரசுக்கு கோரிக்கை!

கொரோனா நோய்த்தொற்று அதிகரித்து வரும் வேளையில், பன்னிரண்டாம் வகுப்பு பொதுத் தேர்வுகளை ஒத்தி வைக்கவும், அனைத்து பள்ளிகளுக்கும் கோடை விடுமுறை அறிவிக்கவும் தமிழ்நாடு பட்டதாரி ஆசிரியர் கூட்டமைப்பின் பொதுச் செயலாளர் தமிழக அரசுக்கு கோரிக்கை

➖➖➖➖➖➖➖➖➖➖

கொரோனா நோய்த்தொற்று தீவிரமாகி வரும் வேளையில் 9.5 லட்சம் தேர்வு எழுதும் மாணவர்கள், தேர்வு பணியில் ஈடுபட உள்ள ஆசிரியர்கள், ஊழியர்கள் பொதுப் போக்குவரத்தை பயன்படுத்த உள்ள மாணவர்கள் ஆகியோர் நலன் கருதி +2 பொதுத்தேர்வை ஒத்திவைக்க தமிழக அரசை வலியுறுத்தி கேட்டுக்கொள்கிறோம்.

50 வயதுக்கு மேற்பட்ட ஆசிரியர்கள் நீரழிவு மற்றும் பல்வேறு இணை நோய் உள்ள ஆசிரியர்கள் பொது போக்குவரத்தை பயன்படுத்தி ஒவ்வொரு நாளும் பள்ளிக்குச் சென்று வந்து கொண்டிருக்கிறார்கள்.

 ஆகவே அனைத்துப் பள்ளிகளுக்கும்( தொடக்க கல்வி முதல் மேல்நிலை கல்வி வரை) கோடைகாலம் மற்றும் கொரோனா சூழலை கருத்தில் கொண்டு கோடை விடுமுறையை அறிவிக்க தமிழ்நாடு பட்டதாரி ஆசிரியர் கூட்டமைப்பு கோரிக்கை