ஐபோன் 6 ஸ்மார்ட்போன் 16, 64 மற்றும் 128
ஜிபி மாடல்களை மட்டுமே ஆப்பிள் நிறுவனம் அறிமுகம் செய்தது. இந்நிலையில் 32
ஜிபி ஐபோன் 6 ஸ்மார்ட்போன் அமேசான் தளத்தில் விற்பனைக்கு வந்துள்ளது.
தற்சமயம் இந்தியாவில் மட்டும் விற்பனைக்கு வந்துள்ள ஐபோன் 6 விரைவில் மற்ற
சந்தைகளிலும் கிடைக்கும்.
அமேசான் தளத்தில் 32 ஜிபி ஐபோன் 6 ஸ்பேஸ்
கிரே நிறம் கொண்ட மாடல் ரூ.28,999 விலைக்கு விற்பனை செய்யப்படுகிறது.
அறிமுக சலுகையாக இந்த ஸ்மார்ட்போன் ரூ.8550 வரை தள்ளுபடி செய்யப்பட்ட
விலையில் கிடைக்கிறது. இச்சலுகை எக்சேஞ்ச் செய்யும் போது வழங்கப்படுகிறது.
ஆப்பிள் உறுதி செய்துள்ள 32ஜிபி ஐபோன் 6
இந்தியா மட்டுமின்றி தைவானிலும் விற்பனைக்கு வந்துள்ளது. இதே மாடல்
ஸ்மார்ட்போன் பிப்ரவரி மாதம் சீனாவிலும் விற்பனைக்கு வந்தது
குறிப்பிடத்தக்கது. தற்சமயம் வரை அமேசான் தளத்தில் மட்டும் 32 ஜிபி மெமரி
கொண்ட ஐபோன் 6 பிரத்தியேகமாக விற்பனை செய்யப்பட்டு வருவதாக கூறப்படுகிறது.
சிறப்பம்சங்களை பொருத்த வரை ஐபோன் 6
ஸ்மார்ட்போனில் 4.7 இன்ச், 750x1334 பிக்சல் ரெசல்யூஷன் கொண்ட டிஸ்ப்ளே,
ஐஓஎஸ் 10, ஏ8 பிராசஸர், 1 ஜிபி ரேம், 8 எம்பி பிரைமரி கேமரா, 1.2 எம்பி
செல்ஃபி கேமரா, ப்ளூடூத் 4.0, 1810 எம்ஏஎச் பேட்டரி உள்ளிட்டவை
வழங்கப்பட்டுள்ளது.
0 Comments:
Post a Comment
Dear Reader,
Enter Your Comments Here...