பெட்ரோல், டீசல் விலை உயர்வு

புதுடில்லி:பெட்ரோல் விலை, லிட்டருக்கு, 1.29 ரூபாயும், டீசல் விலை, லிட்டருக்கு, 97 காசுகளும் உயர்த்தப்பட்டுள்ளன; இந்த விலை உயர்வு, நேற்று நள்ளிரவு முதல் அமலுக்கு வந்தது.சர்வதேச சந்தைக்கு ஏற்ப, பெட்ரோல், டீசல் விலையை, எண்ணெய் நிறுவனங்கள், ஒவ்வொரு மாதமும், 1 மற்றும் 15ம் தேதிகளில் மாற்றி அமைக்கின்றன. அதன்படி, பெட்ரோல் விலை, லிட்டருக்கு, 1.29 ரூபாயும்,

டீசல் விலை லிட்டருக்கு, 97 காசுகளும், நேற்று உயர்த்தப்பட்டுள்ளன.விலை உயர்வைத் தொடர்ந்து, சென்னையில், 68.41 ரூபாயாக இருந்த ஒரு லிட்டர் பெட்ரோல் விலை, 'வாட்' உள்ளிட்ட வரிகள் சேர்ந்து, 70.07 ரூபாயாக உயர்ந்துள்ளது. அதேபோல் ஒரு லிட்டர் டீசல் விலை, 58.28 ரூபாயில் இருந்து, 59.47 ரூபாயாக உயர்ந்துள்ளது.