ஜோலார்பேட்டையில் ஒரு நிமிடம்: சதாப்தி எக்ஸ்பிரஸ் நிற்கும்!

          சென்னை மற்றும் கோவை ரயில்வே ஸ்டேஷன்களிலிருந்து செல்லும் சதாப்தி எக்ஸ்பிரஸ் ரயில் ஜோலார்பேட்டை ரயில்வே ஸ்டேஷனில் ஆறு மாதங்கள் தற்காலிகமாக ஒரு நிமிடம் நின்று செல்லும் என சேலம் ரயில்வே கோட்டம் அறிவித்துள்ளது.

           சென்னை சென்ட்ரல் - கோயமுத்துார் சதாப்தி எக்ஸ்பிரஸ் மற்றும் கோவை - சென்னை சென்ட்ரல் சதாப்தி எக்ஸ்பிரஸ் ரயில் வரும், 17ம் தேதி முதல் அடுத்தாண்டு மார்ச் 16ம் தேதி வரை, ஆறு மாதங்களுக்கு ஜோலார்பேட்டை ரயில்வே ஸ்டேஷனில் தற்காலிகமாக நின்று செல்லவுள்ளது. அதன்படி, சென்னை சென்ட்ரல் - கோவை சதாப்தி எக்ஸ்பிரஸ் காலை, 9:56 - 9:57 மணி வரையும், கோவை - சென்னை சென்ட்ரல் சதாப்தி எக்ஸ்பிரஸ் இரவு, 7:09 - 7:10 மணி வரையும் நின்று செல்லும் என, சேலம் ரயில்வே கோட்டம் அறிவித்துள்ளது.