இணைய சேவை மையங்கள் இன்று இயங்கும்

          அரசு இணைய சேவை மையங்கள் ஞாயிற்றுக்கிழமை (மே 29) இயங்கும் என்று தமிழக அரசு தெரிவித்துள்ளது.

      தமிழக அரசு கேபிள்  தொலைக்காட்சி நிறுவனத்தின் சார்பில், மாவட்ட ஆட்சியர்- வட்டாட்சியர்- மாநகராட்சி- மண்டல அலுவலகங்கள் உள்ளிட்டவற்றில் அரசு இணைய சேவை மையங்கள் காலை 9.45 முதல் மாலை 5.45 மணி வரை செயல்படுகின்றன.

இவற்றில் அரசு நலத் திட்ட உதவிகள், சான்றிதழ்கள் கோரி பொதுமக்கள் விண்ணப்பிக்கலாம்.

பள்ளித் தேர்வு முடிவுகள் வெளிவந்துள்ள நிலையில், மாணவ-மாணவிகள் பல்வேறு சான்றிதழ்களைப் பெறுவதற்காக அதிக அளவில் விண்ணப்பம் செய்து வருகின்றனர்.

எனவே, மக்களின் நலன் கருதி ஞாயிற்றுக்கிழமை வழக்கம்போல இயங்கும் என அரசு கேபிள் நிறுவனத்தின் நிர்வாக இயக்குநர் ஜெ.குமரகுருபரன் சனிக்கிழமை வெளியிட்ட அறிவிப்பில் தெரிவித்துள்ளார்.