பத்தாம் வகுப்பு தமிழ் தேர்வின் முதல்
நாளான, நேற்று வினாத்தாள் எளிமையாக இருந்தது. ஆனால், 'ப்ளூ பிரின்ட்' படி
கேட்க வேண்டிய திருக்குறள் கேள்வி இடம் பெறவில்லை.
தமிழகம் மற்றும் புதுச்சேரியில், 10ம்
வகுப்பு பொதுத்தேர்வு நேற்று துவங்கியது. இதை, 10.72 லட்சம் பேர் எழுதினர்.
முதல் நாளான நேற்று, வினாத்தாள் மிக எளிமை யாகவே இருந்தது. நன்றாக
படிக்கும் திறனுள்ள மாணவர்கள், 100 மதிப்பெண் பெற முடியும் என, ஆசிரியர்கள்
தெரிவித்தனர்.வினாத்தாளில் மொத்தம், 100 மதிப்பெண்களுக்கு, சாய்ஸ்
அடிப்படையில், 49 வினாக்கள் இடம் பெற்றன. வினாக்களை பொறுத்தவரை, எளிதாக
விடையளிக்கும் வகையிலும், குறிப்பிட்ட நேரத்துக்கு, 30 நிமிடங்கள் முன்
முடிக்கும் வகையிலும் எளிமையாகவே இருந்தன. சில கேள்விகள், 'ப்ளூ
பிரின்ட்'க்கு மாறாக அமைந்திருந்தன.
அதாவது, மனப்பாட பாட்டு பகுதியில், ஆறு
மூன்று மதிப்பெண்ணுக்கான வாழ்த்துப் பாடல், ஆறு மதிப்பெண்களுக்கு
கேட்கப்பட்டிருந்தது. அதனால், மாணவர்களுக்கு, மூன்று மதிப்பெண்கள் கூடுதலாக
கிடைக்கும் வாய்ப்பு உருவாகியுள்ளது. எட்டு மதிப்பெண்ணுக்கான
நெடுவினாவில், செய்யுளில் இரண்டு வினாக்களில், ஒன்று கண்டிப்பாக
திருக்குறள் கொடுக்கப்பட்டு, அதன் விளக்கத்தை மாணவர்கள் எழுத வேண்டும்.
ஆனால், நேற்றைய கேள்வித்தாளில் நெடுவினாவில், திருக்குறளே இடம்பெறவில்லை.
அதனால், மாணவர்கள் ஏமாற்றம் அடைந்தனர். திருக்குறளுக்கு பதில், கம்ப
ராமாயணமும், சீறாப்புராணமும் இடம் பெற்றது.
வினாத்தாள் திட்டவரைவின்படி முதல் 5இயல்களிலிருந்து வினாவும் பின் 5 இயல்களிலிருந்து 1வினாவும் கொடுக்கப்பட்டு ஏதேனும் ஒரு வினாவிற்கு விடையளிக்கும்படி கேட்கப்பட வேண்டும். நேற்றைய தமிழ் முதல் தாளில் முன் 5 இயல்களிலிருந்து கம்பரமாயணத்திலும் பின் 5 இயல்களிலிருந்து சீறாப்புராணத்திலும் நெடுவினாக்கள் வினாத்தாள் திட்ட வரைவின்படியே(blueprint) கேட்கப்பட்டிருந்ததன. வழக்கமாக திருக்குறளில் ஒருவினா இடம் பெற்று வந்தது. எனவே அவ்வினா ஆசிரியர்கள் உட்பட மாணவர்கள் அனைவரும் எதிர்பார்த்த ஒன்றுதான். இருப்பினும் இந்த வினாதான் கேட்கப்பட வேண்டும் என எதிர்பார்ப்பதும் வலியுறுத்துவதும் முழுமையான கற்றலுக்கு வழிவகுக்காது.
ReplyDelete