ஆசிரியர்
சங்கங்களின் கூட்டமைப்பான 'ஜாக்டோ' நிர்வாகிகளுடன் அமைச்சர்கள் குழு
பேச்சு நடத்தியது; ஆனால் எந்த உறுதியும் அளிக்கவில்லை. எனவே ஜாக்டோவில்
உள்ள ஆரம்பப் பள்ளி ஆசிரியர் கூட்டணி நேற்று முதல் காலவரையற்ற போராட்டத்தை
துவக்கினர். 'முதல் நாளில், 25 ஆயிரத்துக்கும் மேற்பட்ட ஆசிரியர்கள்
பணிக்கு செல்லவில்லை' என ஆரம்பப் பள்ளி ஆசிரியர் கூட்டணி பொதுச் செயலர்
பாலசந்தர் தெரிவித்தார்.
இந்நிலையில் 'முதுநிலை பட்டதாரி ஆசிரியர்களும் இன்று முதல் 'ஸ்டிரைக்'கில் ஈடுபடுவர்' என முதுநிலை பட்டதாரி ஆசிரியர் கழக தலைவர் சுரேஷ் அறிவித்துள்ளார்.
போராட்டம் அறிவித்துள்ள முதுநிலை பட்டதாரி ஆசிரியர்கள் தான் பிளஸ் 2 பாடம் நடத்துகின்றனர்; தேர்வு கண்காணிப்பு, மேற்பார்வை, விடைத்தாள் திருத்தம் போன்ற பணிகளில் ஈடுபடுகின்றனர். இவர்களின் போராட்டம் செய்முறைத் தேர்வையும், பொதுத் தேர்வையும் நேரடியாக பாதிக்கும் என கூறப்படுகிறது.
பிப்., 22 முதல் 'ஹால் டிக்கெட்''மார்ச் 4 முதல் பொதுத் தேர்வு எழுத உள்ள பிளஸ் 2 மாணவர்களுக்கு பிப்., 22 முதல், 'ஹால் டிக்கெட்' வழங்கப்படும்' என கல்வித்துறை அறிவிப்பு வெளியிட்டு உள்ளது.
பிளஸ் 2 பொதுத் தேர்வில், ஏழு லட்சம் மாணவ மாணவியர் பங்கேற்கின்றனர். தேர்வுக்கான ஆயத்தப் பணிகள் தீவிரமாக நடந்து வருகின்றன. மாணவர்களின் பெயர் விவரங்கள் திருத்தம் செய்யப்பட்டு இறுதிப் பட்டியலை அந்தந்த பள்ளிகளுக்கு தேர்வுத்துறை அனுப்பியுள்ளது. அதேபோல் மாணவர்களின் ஹால் டிக்கெட், இணையதளத்தில் பதிவேற்றம் செய்யப்பட்டுள்ளது.
அனைத்து பள்ளிகளுக்கும் பிப்., 20 முதல் 'ஹால் டிக்கெட்'டை பதிவிறக்கம் செய்யும் வசதி வழங்கப்படுகிறது. 'மாணவர்களுக்கு பிப்., 22 முதல் 27க்குள் ஹால் டிக்கெட் வழங்கப்படும்' என கல்வித்துறை அதிகாரிகள் தெரிவித்தனர்.
பொதுத் தேர்வுக்கான பணிகள் தீவிரம் அடைந்துள்ள நிலையில் மேல்நிலைப் பள்ளி ஆசிரியர்களின் போராட்ட அறிவிப்பால் தேர்வு நடைபெறுவதில் சிக்கல் ஏற்படுமோ என மாணவர்களும் பெற்றோரும் கவலை அடைந்துஉள்ளனர்.
0 Comments:
Post a Comment
Dear Reader,
Enter Your Comments Here...