தஞ்சைப் பெரிய கோவிலுக்கு, உள்நாட்டில் இருந்தும், வெளிநாடுகளில் இருந்தும்
ஏராளமான சுற்றுலாப்பயணிகள் வருகின்றனர். அவர்கள் பயனடையும் வகையில்,
தற்போது, 'வை-பை' வசதி செய்யப்பட்டு உள்ளது. இதற்கான கருவிகள் கடந்த
வியாழக் கிழமை பொருத்தப்பட்டன.
இதுதொடர்பாக, தஞ்சை பி.எஸ்.என்.எல்., பொது மேலாளர்
ராஜுகூறியதாவது:பிரதமர் நரேந்திர மோடியின், 'டிஜிட்டல் இந்தியா'
திட்டத்தின் ஒரு பகுதியாக, தஞ்சைப் பெரிய கோவிலுக்கு, இலவச வை--பை வசதி
செய்து தரப்பட்டு உள்ளது. தஞ்சாவூர் பி.எஸ்.என்.எல்., நிர்வாகத்துடன்
இணைந்து, இந்தத் திட்டம் செயல்படுத்தப்பட்டு உள்ளது.கோவிலுக்குள்
எந்த இடத்திலும், இந்த வை-பை வசதியை இலவசமாகப் பெறலாம். இதை, லேப்டாப்
அல்லது மொபைல் போன்களிலும் இலவசமாகப் பயன்படுத்திக் கொள்ளலாம்.மொபைல் எண்
மூலம், பி.எஸ்.என்.எல்.,லில் கணக்கைத் துவக்கிக் கொண்டு, நாள் ஒன்றுக்கு
முதல் ௩௦ நிமிடம் இலவசமாக வை-பை வசதியைப் பெற்றிடலாம். இலவச
சேவையைமாதத்திற்கு மூன்று முறை மட்டுமே, பயன்படுத்த முடியும். இவ்வாறு,
அவர் கூறினார்.
0 Comments:
Post a Comment
Dear Reader,
Enter Your Comments Here...