விண்டோஸ் 10 இயங்கு தளம் வரும் ஜூலை மாதம் 29ல் அறிமுகம்

         மைக்ரோசாப்டின் விண்டோஸ்-10 அடுத்த மாதம் அறிமுகம்: விண்டோஸ்-7, 8 வைத்திருப்பவர்கள் இலவசமாக அப்டேட் செய்யலாம்

 

     கம்ப்யூட்டர் உலகின் புதிய வரவான மைக்ரோசாப்டின் விண்டோஸ்-10 பதிப்பு ஜுலை மாதம் 29-ம் தேதி அறிமுகப்படுத்தப்படவுள்ளது.

ஏற்கனவே, விண்டோஸ் நிறுவனத்தின் அதிகாரபூர்வ அனுமதியுடன் விண்டோஸ்-7, விண்டோஸ்-8, விண்டோஸ்-8.1 மாடல் கம்ப்யூட்டர்கள் மற்றும் விண்டோஸ் 8.1 ஸ்மார்ட் போன்களை வைத்திருப்பவர்கள் விண்டோஸ்-10 பதிப்பில் உள்ள அனைத்து நவீன தொழில்நுட்ப வசதிகளையும் இலவசமாக தரம் உயர்த்திக் கொள்ளலாம் என மைக்ரோசாப்ட் நிறுவனம் அறிவித்துள்ளது. விண்டோஸ்-7 பதிப்புக்கு பிறகு வெளியான விண்டோஸ்-8 பெரிய அளவில் மக்களிடையே வரவேற்பை பெறவில்லை. இதையடுத்து, விண்டோஸ்-9 வெளியாகவில்லை. சுமார் மூன்றாண்டுகள் இடைவெளிக்கு பிறகு அடுத்த மாதம் வெளியிடப்படும் விண்டோஸ்-10 பதிப்பில் பல்வேறு வகையான நவீன அம்சங்கள் இணைக்கப்பட்டுள்ளதாக மைக்ரோசாப்ட் நிறுவனம் தெரிவித்துள்ளது.

 

விண்டோஸ் 10 இயங்கு தளம் வரும் ஜூலை மாதம் 29ம் தேதி அறிமுகமாக உள்ளது.

இந்தியா உட்பட 190 நாடுகளில் இது அறிமுகப்படுத்தப்பட உள்ளதாக மைக்ரோசாப்ட் நிறுவனம் அறிவித்துள்ளது. மேலும் விண்டோஸ் 7, 8.1 இருந்தால் புதிய பதிப்பை இலவசமாக டவுண்லோடு செய்து கொள்ளலாம் என்று விண்டோஸ் 10 பல புதிய வசதிகளை உள்ளடக்கியுள்ளது என்றும் தெரிவிக்கப்பட்டுள்ளது.