தேர்வு முடிவுக்கு பயந்து தற்கொலை செய்து கொண்ட மாணவி பிளஸ் 2 தேர்வில்
தேர்ச்சி பெற்றார். ஜோலார்பேட்டை மங்கம்மாகுளம் பகுதியைச் சேர்ந்தவர்
கிருஷ்ணன் மகள் சசிகலா (17). இவர், ஜெயமாதா நகரில் உள்ள தனியார் பள்ளியில்
பிளஸ் 2 பொதுத் தேர்வு எழுதி விட்டு, தேர்வு முடிவுக்காகக் காத்துக்
கொண்டிருந்தார்.
அப்போது, தான் தேர்வில் தோல்வி அடைந்து விடுவோமா என்ற பயத்தில் கடந்த
மாதம் 29-ஆம் தேதி வீட்டில் தனியாக இருந்தபோது உடலில் மண்ணெண்ணெய் ஊற்றி
தற்கொலை செய்து கொண்டார். இந்த நிலையில், பிளஸ் 2 தேர்வு முடிவுகள்
வியாழக்கிழமை வெளியானது. இதில், மாணவி சசிகலா 579 மதிப்பெண்கள் பெற்று
தேர்ச்சி அடைந்தார். பாடவாரியாக அவர் பெற்ற மதிப்பெண்கள்: தமிழ்- 103,
ஆங்கிலம்- 89, விலங்கியல்- 88, தாவரவியல்- 80, வேதியியல்- 101, இயற்பியல்-
118.
தேர்வில் மாணவி தேர்ச்சியடைந்த நிலையில், தேர்வு முடிவுக்கு பயந்து அவர்
தற்கொலை செய்து கொண்டதால் அவரது குடும்பத்தினர், உறவினர்கள், நண்பர்கள்
பெரும் சோகத்தில் ஆழ்ந்துள்ளனர்.
0 Comments:
Post a Comment
Dear Reader,
Enter Your Comments Here...