தொலைதூரக் கல்வி நிறுவன முதுநிலை பட்ட தேர்வு முடிவுகள் நாளை வெளியீடு

           சென்னைப் பல்கலைக்கழக தொலைதூரக் கல்வி நிறுவன முதுநிலை பட்ட, பட்டயப் படிப்புகளுக்கான 2014 டிசம்பர் மாதத் தேர்வு முடிவுகள் புதன்கிழமை (மார்ச் 11) வெளியிடப்பட உள்ளன.பல்கலைக்கழகத்தின் www.ideunom.ac.in, www.unom.ac.in ஆகிய இணையதளங்களில் இரவு 8 மணி முதல் தேர்வு முடிவுகளை பார்த்துத் தெரிந்து கொள்ளலாம்.

 

                  பதிவு எண் ஏ13, சி13 ஆகியவற்றில் ஆரம்பிக்கும் மாணவர்கள் மட்டும், தேர்வுத் தாள் மறு மதிப்பீடுக்கு விண்ணப்பிக்கலாம். அவ்வாறு விண்ணப்பிக்க விரும்புபவர்கள் தாள் ஒன்றுக்கு ரூ. 750 கட்டணம் செலுத்த வேண்டும்.மறு மதிப்பீடுக்கு விண்ணப்பிக்கத் தகுதியில்லாத மாணவர்கள், மதிப்பெண் மறு கூட்டலுக்கு விண்ணப்பிக்கலாம். அதற்கு தாள் ஒன்றுக்கு ரூ. 200 வீதம் கட்டணம் செலுத்த வேண்டும். இதற்கு வருகிற 18-ஆம் தேதிக்குள் பல்கலைக்கழக இணையதளத்தில் பதிவு செய்ய வேண்டும் எனப் பல்கலைக்கழகம் தெரிவித்துள்ளது.