உதவி ஆணையர் பதவி : நேர்காணல் பட்டியல் வெளியீடு

            டிஎன்பிஎஸ்சி நேற்று வெளியிட்ட அறிவிப்பு:தமிழ்நாடு இந்து சமய  அறநிலைய ஆட்சித்துறை நிர்வாக துறையில் “உதவி ஆணையர்” பதவிக்கான 4 காலிப்பணியிடத்துக்கு எழுத்துத் தேர்வு கடந்த மார்ச் 8, 9ம் தேதிகளில் கணினி வழித்தேர்வு முறையில் நடத்தப்பட்டது. அதில் 242 பேர் பங்கேற்றனர்.இத்தேர்வில் விண்ணப்பதாரர் பெற்ற மதிப்பெண், இடஒதுக்கீடு உள்ளிட்ட பிற விதிகளின் அடிப்படையில், நேர்காணல்,

              சான்றிதழ் சரிபார்ப்பில் தேர்வு செய்யப்பட்ட விண்ணப்பதாரர் பதிவெண் கடந்த 16ம் தேதி வெளியிடப்பட்டது. அச்சான்றிதழ் சரிபார்ப்பிற்குப் பின், நேர்காணல் தேர்விற்கு தற்காலிகமாகத் தேர்வு செய் யப்பட்ட 12 பேரின் பதிவெண் கொண்ட பட்டியல் தேர்வாணைய வலைதளம் வெளியிடப்பட்டுள்ளது. நேர்காணல் தேர்வு வருகிற 28ம் தேதி சென்னை பிராட்வேயில் உள்ள தேர்வாணைய அலுவலகத்தில் நடைபெறும்.