Cell Phone Technology Doubts | அலைபேசி சந்தேகங்கள்! - பாடசாலையின் புதிய பகுதி.

அன்புள்ள பாடசாலை வாசகர்களே,

           வணக்கம். நமது பாடசாலை வலைதள வாசகர்களுக்காக Cell Phone, Tablet  தொழில்நுட்பங்கள் சார்ந்த கட்டுரை தொடர்ந்து வெளியிட உள்ளோம்.

              நம் பாடசாலை வாசகர்களுக்காக இக்கட்டுரையை தொழில்நுட்ப வல்லுனர் திரு.பா. தமிழ் அவர்கள் பிரத்யோகமாக எழுத உள்ளார். இக்கட்டுரையில் அடிப்படை தொழில்நுட்பம் முதல் இன்றைய நவீன தொழில்நுட்பங்கள் வரை எளிய தமிழில் விளக்க உள்ளார். தொடர்ந்து அலைபேசி மற்றும் டேப்ளட் கணிணி சார்ந்த வாசகர்களின் சந்தேகங்களுக்கும் விடையளிக்க உள்ளார். எனவே பாடசாலையின் வாசகர்கள் இப்புதிய பகுதி தொடர்பான தங்கள் சந்தேகங்களை கீழே உள்ள கமெண்ட் பாக்சில் பதிவு செய்யலாம். அவற்றிற்கும் தொழில்நுட்ப வல்லுனர் தனது கட்டுரையில் பதில்களை பகிர்வார்.

அறிமுக கட்டுரை - 1

அலைபேசி

பாடசாலை வாசகா்களுக்கு வணக்கம். அலைபேசி தொடா்பான இப்பகுதியை எழுத அழைத்த இவ்வளைதளத்தின் நிறுவனருக்கு நன்றி. 1876ல் அலெக்சாண்டா் கிரகாம் பெல் உருவாக்கிய முதல் தொலைபேசியானது பெரிய மாற்றங்கள் இன்றி சில நூற்றாண்டுகள் (இன்றும்) பயன்பாட்டில் இருந்தது (இருக்கிறது). ஆனால் 21ஆம் நூற்றாண்டின் துவக்கத்தில் வணிக ரீதியாக பயன்பாட்டிற்கு வந்த செல்போன்களின் இன்றைய வளா்ச்சியை யாராளும் இன்று அளவிட முடியாது.

வாய் பேச்சிற்காக உருவாக்கப்பட்ட செல்போன்களில் குறுந்தகவல் சேவை, படதகவல் சேவை, சிறிய அளவிலான விளையாட்டுகள் எனத் துவங்கி வண்ணத்திரை, டிஜிட்டல் கேமரா, இணைய வசதி, பல்ஊடக தகவல் வசதி, வீடியோ மற்றும் இசை கேட்டுகும் வசதி, இணைப்பின்றி தகவல்களை பரிமாறும் வசதி, தொடுதிரை வசதி, இருப்பிடத்தை அறிய உதவும் வசதி, வெப்பநிலை, உயரம் மற்றும் அழுத்தம் போன்றவற்றை அளக்க உதவும் வசதி, வங்கி பரிவா்தனைகளை செய்யும் வசதி, முகம் பார்த்து பேசும் வசதி, கணிப்போறிக்கு இணையாக மென்பொருட்களை இயக்கும் வசதி என நாளுக்கு நாள் செல்போன்களின் பயன்பாடும் தேவையும் அதிகரித்துக் கொண்டே செல்கிறது.

சரி மேற்கண்ட தகவல்கள் நாங்கள் அறிந்ததே. இப்பகுதியில் புதிதாக என்ன தெரிந்து கொள்ளவிருக்கிறோம் என நீங்கள் நினைப்பது புரிகிறது. அனைவராலும் பயன்படுத்தப்பட்டாலும், இன்றும் சராசரி மக்களுக்கு தங்கள் செல்போனில் என்னென்ன சேவைகள் (வசதிகள்) உள்ளன. அவற்றை நம் தேவைக்கும், நம் சூழ்நிலைக்கும் எவ்வாறு பயன்படுத்தலாம்?

டியுள் கோர், க்வாட் கோர் ப்ராசஸா், மீடியா என்ஜின், 2ஜி, 3ஜி, 4ஜி, ரேம், ரோம், இயங்குதளம் (விண்டோஸ்(7.5, 8.0, 8.1), ஆண்டராய்டு (ஜிஞ்சா் ப்ரெட், ஐஸ் க்ரீம் சான்விச், ஜெல்லி பீன், கிட்காட் மற்றும் ஆண்டராய்டு ஒன்), ஐ-ஓ.எஸ்(4.0, 5.0, 6.0, 7.0), ஆப்கள், ஜிபிஎஸ், எ-ஜிபிஎஸ், வை-பை, வை-பை டைரைக்ட், பை-பை ஆட்-ஸ்பாட், டெத்தரிங், சார் வேல்யு, ப்ளுடூத்4.0, என்.எப்.சி, எல்.இ.டி, ஐ.பி.எஸ், சூப்பா் ஆமலாய்டு, கொரில்லா க்ளாஸ், மல்டி டச், கெஸ்ச்சா், பிராக்சிமிட்டி சென்சார், ஆசிலரோ மீட்டா், கைரோ ஸ்கோப், ஜியோமேக்னடிக் சென்சார், ஜியோ டேக்கிங், என்.எப்.சி போன்ற தொழில்நுட்பங்களின் பயன்பாடுகள் என்னென்ன? இவற்றின் முந்தைய பதிப்பில் இருந்து இவற்றின் வேறுபாடுகள் மற்றும் சிறப்பம்சங்கள் என்னென்ன? உங்கள் தேவைக்கான செல்போன் எது, உங்கள் பட்ஜெட்டிற்கான செல்போன் எது? என்பன போன்ற, உங்கள் மனதை குழுப்பும் கேள்விகளுக்கு விடை அறிய உதவுவதே இப்பகுதியின் நோக்கம்.

விரைவில் அடுத்தடுத்த கட்டுரைகளில் சந்திப்போம்...

நட்புடன் - கட்டுரை ஆசிரியர் திரு. பா. தமிழ், காஞ்சிபுரம்.