TET: மாற்றம் வருமா? - சிறப்புக்கட்டுரை

• TET: மாற்றம் வருமா?
• 2வது காலிப்பணியிடம் வருமா?
•  போராட்டத்தினால் ஏற்படும் சாதக, பாதகம் என்ன?

அன்புள்ள பாடசாலை வாசகர்களே வணக்கம்,

• டெட் மதிப்பெண்களை மட்டும் கணக்கில் கொள்ளாமல் +2, DTEd, UG, BEd போன்றவற்றிற்கு மதிப்பெண் வழங்குவது சரிதானா? 
• இடஒதுக்கீட்டு பிரிவினருக்கு 5% தளர்வு அளிப்பது சரிதானா?
• நீதிமன்றத்தில் வழக்கு தொடர்வதால் காலதாமதம் மட்டுமே ஏற்படுகிறது? வேறு என்ன பயன்?  
• Employment Seniority - க்கு ஏன் மதிப்பெண் வழங்க வேண்டும்? 
• Experience க்கு ஏன் மதிப்பெண் வழங்க வேண்டும்? 

           போன்ற மேலே உள்ள கேள்விகளுக்கு நாம் முன்னதாகவே நமது பாடசாலை வலைதளத்தில் கட்டுரை வெளியிட்டுள்ளோம். எனவே மீண்டும் அதே கேள்விகளுக்குள் செல்ல விருப்பம் இல்லை.

மேலே உள்ள கேள்விகளுக்கான பதிலை அறிய கீழே Click செய்யவும்.

1. Click Here For Our Previous Article 2. (இட ஒதுக்கீடு வழங்கலாமா?இல்லையா? - Article கட்டுரை வெளியிடப்பட்ட நாள்: 28/12/2012)
2. Click Here For Our Previous Article 3 (Please Change Weightage Method Calculation to Scientific Method  கட்டுரை வெளியிடப்பட்ட நாள்: 09/10/2013 ) 
3. Click Here For Our Previous Article 1 (Weightage Survey Article - கட்டுரை வெளியிடப்பட்ட நாள்: 15/05/2014)

• TET: மாற்றம் வருமா? 

             டெட் தேர்வில் ஆரம்பம் முதல் தற்போது வரை மாற்றங்கள் வந்து கொண்டேதான் இருக்கிறது. தற்போது வெளியிடப்பட்ட இறுதி பட்டியல் கூட தற்காலிக இறுதி பட்டியல் என்று ஆசிரியர் தேர்வு வாரியத்தால் குறிப்பிடப்பட்டிருப்பதை இங்கு நினைவு கூறுகிறோம். ”மாற்றம் ஒன்றே மாறாதது”

• 2வது காலிப்பணியிட பட்டியல் வருமா?

           ஆதிதிராவிடர் பள்ளிகள், கள்ளர் சீரமைப்பு பள்ளிகள், பிற்படுத்தப்பட்டோர், மிகப்பிற்படுத்தப்பட்டோர் நலத்துறை பள்ளிகள், மாநகராட்சி பள்ளிகள் போன்றவற்றிற்கு காலிப்பணியிடங்கள் இதுவரை அறிவிக்கப்படவில்லை. எனவே இப்பணியிடங்கள் நிச்சயம் நிரப்பப்படும். அதே சமயம் நமது பாடசாலை வலைதளத்தில் முன்னதாகவே நாம் குறிப்பிட்டபடி இடஒதுக்கீடு ரோஸ்டர் பின்பற்றப்படுவதால் கடந்த டெட் 2012 தேர்வில் தேர்ச்சி பெறாத ஆதிதிராவிடர் பணியிடங்கள் தற்போது பின்னடைவு காலிப்பணியிடங்களாக கருதப்பட்டு அவை முழுமையாக நிரப்பப்படும். இயல்பாக ஆதி திராவிடர் நலத்துறை பள்ளிகளிலும் இதர வகுப்பினர் பட்டதாரி ஆசிரியர்களாக பணியமர்த்தப்படுவார்கள். ஆனால் தற்போது ஆதி திராவிடர் வகுப்பினருக்கான ரோஸ்டர் பின்பற்றி, இட ஒதுக்கீடு ரேஷியோ அடிப்படையில் பணி நியமன எண்ணிக்கையை, வகுப்பு வாரியாக சமப்படுத்த வேண்டி உள்ளதால் ஆதிதிராவிட நலத்துறை பள்ளிகளில் ஆதி திராவிடர் மட்டுமே நியமனம் செய்வதற்கு வாய்ப்பு அதிகம். (இதை உறுதிபட கூற இயலாது). தாள் 1லும் காலிப்பணியடங்கள் பட்டியல் அறிவிக்கப்படும் போது இந்த காரணத்தால் தான் இதர அனைத்து வகுப்பினரை காட்டிலும், மொத்த காலிப்பணியிட எண்ணிக்கையில் ஆதி திராவிடருக்கு கூடுதல் பணியிடங்கள் ஒதுக்கப்பட்டுள்ளது. இத்தகைய நலத்துறை பள்ளிகளில் ஏறத்தாழ 3,000 காலிப்பணியிடங்களாவது நிரப்பப்படும் என எதிர்பார்க்கப்படுகிறது. பள்ளிக்கல்வித்துறையிலும் இரண்டாவது பட்டியல் உண்டு. இப்பட்டியல் தனியாகவும் வெளியிடப்படலாம், (அல்லது) முதுகலை தேர்வில் தேச்சி பெற்றவர்களை மட்டும் நீக்கி தாள் 2 ல் தேர்ச்சி பெற்றவர்கள் மேலும் சிலருக்கு Selected என்று குறிப்பிட்டு கலந்தாய்வுக்கு ஒன்றாகவே அழைக்கப்படலாம்.

இதர கேள்விகள் -

1. கலந்தாய்வு எப்போது? - கலந்தாய்வு நடப்பதற்கான இறுதிகட்ட பணிகள் நடந்துகொண்டிருக்கின்றன. இதன் தொடர்ச்சியாக உயர் மட்ட அலுவலர்கள் (Zone Level Officers) விரைவில் நியமிக்கப்பட்டு காலிப்பணியிட பட்டியல் அடிப்படையில் கலந்தாய்வு நடத்துவதற்கான ஏற்பாடுகள் வரும் வாரத்தில் தொடங்க உள்ளது.
2. வெயிட்டேஜ் முறை நீக்கப்பட்டு டெட் மதிப்பெண் அடிப்படையிலேயே பணி நியமனம் நடைபெறுமா? - நடந்து முடிந்த இந்த தேர்வில் வெயிட்டேஜ் அடிப்படையில் மட்டுமே பணி நியமனம் நடைபெறும். இதில் மாற்றம் வர வாய்ப்பு மிக, மிக குறைவு.
3. அடுத்த பணி நியமனத்தில் டெட் - 2013 ல் தேர்ச்சி பெற்றவர்களுக்கு முன்னுரிமை உண்டா? - இல்லை. இதுவரை வெளிவந்துள்ள அரசாணைகளின் படி அடுத்து நடைபெறும் பணி நியமனத்தில் முன்னுரிமை கிடையாது. நாளை நடப்பதை யார் அறிவார்?
4. பணி நியமனம் எப்போது? - அடுத்த 2 வாரங்களுக்குள் பணி நியமனம் கலந்தாய்வு நடைபெற்று முடியும் என கருதுகிறோம். 
5. போராட்டத்தினால் ஏற்படும் சாதக, பாதகம் என்ன? - இதற்கான கட்டுரையை தனியாக வெளியிட்டுள்ளோம். படிக்க கீழே கிளிக் செய்யவும். - Click Here For View This Article

நன்றி!

என்றும் அன்புடன் - பாடசாலை.