TET Weightage ரத்து செய்யக்கோரி சென்னையில் பேரணி

        TET Weightage ரத்து செய்யக்கோரி 01.09.2014 அன்று சென்னையில் பேரணி நடைபெற இருக்கிறது. பேரணி நடத்த காவல்துறையிடம் அனுமதி கோரும் கடிதம்.


        செப்டம்பர் 01 திங்கள்கிழமை பட்டதாரி மற்றும் இடைநிலை ஆசிரியர்களின் சார்பில் நடைபெறும் பேரணியானது சென்னை எக்மோர் ராஜரத்தினம் ஸ்டேடியத்திலிருந்து லாங்ஸ் கார்டன் வரை செல்லும் பேரணியை அமைதியாக நடத்துவது குறித்து சென்னை எக்மோர் காவல்துறையினர் பேரணிக்குழுவிற்கு  கொடுத்த வழிகாட்டும் நெறிமுறைப்படிவம் மற்றும் பேரணிக்குழுவினர் அளித்த ஒப்புதலும்..

 

வாழ்வா? சாவா? போராட்டம்!
------------------------------

      இன்று தகுதிதேர்வு ஒரு முடிவுக்கு வந்திருக்கிறது. ஆனால் வெயிட்டேஜ் முறைக்கு எதிரான போராட்டம் சூடுபிடித்திருக்கிறது. இது அறவழியிலும், சட்டரீதியாகவும் நடைபெறுகிறது. என்ன காரணம்? வெயிட்டேஜ் முறையில் பள்ளி, கல்லூரிகளில் பெற்ற மதிப்பெண்ணை எடுத்துகொள்வது தான். சரி இந்த மதிப்பெண்ணை கனக்கில் எடுத்து கொள்வது என்பது தவறுதான்.

       ஆனால் இப்பொழுது செய்யும் போராட்டம் சரியா? ஏன் GO 71 வெளியாகி மூன்று மாதங்களுக்கு மேல் ஆகிறது, அப்பொழுது தெரியாதா இந்த வெயிட்டேஜ் நமக்கு எப்பொழுதும் பாதிப்பாக தான் இருக்கும் என்று. அன்றே இந்த போராட்டத்தை ஆரம்பித்திருக்கலேமே. அப்படி செய்திருந்தால் இந்நேரம் மாற்றத்தை கொண்டு வந்திருக்கலாம். ஏன் செய்யவில்லை? இப்போது மட்டும் எப்படி தோன்றியது. ஏனென்றால் இறுதி பட்டியலில் உங்கள் பெயர் வரவில்லை. உங்கள் பெயர் வரவில்லை என்ற உடன் தான் உங்களுக்கு வெயிட்டேஜ் தவறு என்று சொல்கிறீர்கள். இன்று காலம் கடந்து போராடும் அனைவரும் சுயநலவாதிகளே.

       சரி. காலம் கடந்து ஆரம்பித்தாலும் போராட்டத்தின் நோக்கம் என்பது நியாமான ஒன்றே. மதிப்பெண் அதிகமாக பெற்று வேலை கிடைக்கவில்லை என்றால் அதன் வலி என்பது அதிகமாக தான் இருக்கும். போராட்டம் செய்வது பெரிய விசயம் அல்ல. வெற்றி கிட்டும் வரை போராடவேண்டும்.  போராட்டம் ஒன்றை அறிவித்தால் எந்த ஒரு பிரதிபலனையும் எதிர்பார்க்காமல் அனைவரும் கலந்துகொள்ள வேண்டும். ஆனால் இன்றோ ஒவ்வொருவரும் கணக்கு போடுகிறார்கள். இதனால் நமக்கு பலன் உண்டா. இந்த போராட்டத்தில் கலந்து கொண்டால் நமக்கு என்ன பயன் என்று யோசிக்கும் சுயநலவாதிகள் தான் அதிகம்.   அப்புறம் எப்படி மாற்றத்தை கொண்டுவர முடியும்.  போராட்டத்தின் வெற்றி என்பது பாதிக்கப்பட்டவர்களின் எண்ணிக்கையை பொருத்தே அமையும்.

     செப்டம்பர் 1 திங்கள்கிழமை வெயிட்டேஜ் முறையை ரத்து கோரி மாபெரும் பேரணி நடைபெற உள்ளது. இதில் அனைவரும் தவறாமல் குடும்பத்துடன் கலந்துகொள்ளவேண்டுமென தாழ்மையுடன் கேட்டுகொள்கிறோம்.

Article by
Govindraj.