முதுநிலை பொறியியல் படிப்பு மாணவர் சேர்க்கை: தர வரிசைப் பட்டியல் வெளியீடு:

            முதுநிலை பொறியியல் படிப்புகளில் மாணவர் சேர்க்கைக்கான தரவரிசைப் பட்டியலை அண்ணா பல்கலைக்கழகம் வெளியிட்டுள்ளது.இதற்கான கலந்தாய்வு ஆகஸ்ட் 22-ஆம் தேதி தொடங்கி 27-ஆம் தேதி வரை நடத்தப்படுகிறது.பொறியியல் படிப்புகளில் மாணவர் சேர்க்கைக்கான கலந்தாய்வை அண்ணா பல்கலைக்கழகம் நடத்தி வருகிறது. இளநிலை பொறியியல் படிப்புகளுக்கான சேர்க்கை அண்மையில் முடிவுற்ற நிலையில், முதுநிலை பொறியியல் படிப்புகளான எம்.இ., எம்.டெக்., எம்.ஆர்க்., எம்.பிளான். படிப்புகளில் சேருவதற்கான கலந்தாய்வு இப்போது நடைபெற உள்ளது.

 

       இதற்கு விண்ணப்பித்தவர்களில் தகுதியுள்ள மாணவர்களின் தரவரிசைப் பட்டியல், கலந்தாய்வு தேதி ஆகிய விவரங்கள் http://www.annauniv.edu/tanca2013/ என்ற பல்கலைக்கழக இணையதளத்தில் வெளியிடப்பட்டுள்ளது.

      "கேட்' (பொறியியல் பட்டதாரி நுண்ணறித் தேர்வு) தேர்வில் தகுதி பெற்ற மாணவர்களுக்கு ஆகஸ்ட் 22-ஆம் தேதியும், "டான்செட்' (தமிழ்நாடு பொது நுழைவுத் தேர்வு) தேர்வில் தகுதி பெற்றவர்களுக்கு 23ஆம் தேதியிலிருந்து 27ஆம் தேதி வரையும் கலந்தாய்வு நடத்தப்பட உள்ளது.