ஆசிரியர் தகுதித்தேர்வில் தோல்வி இளம்பெண் தூக்கிட்டு தற்கொலை - Dinamlar

           
              ஆசிரியர் தகுதித்தேர்வு எழுதி, இரண்டு முறையும் தோல்வி அடைந்ததால், மனமுடைந்த இளம்பெண், துாக்கிட்டு தற்கொலை செய்து கொண்டார். நாமக்கல், முல்லை நகரை சேர்ந்தவர் சசிகுமார், 37. இவர், இந்துசமய அறநிலையத் துறையில், டைப்பிஸ்டாக உள்ளார். இவரது மனைவி இளவரசி, 28, எம்.எஸ்சி., முடித்துள்ளார். இவர்களுக்கு, நான்கு வயதில் ஆண் குழந்தை உள்ளது.

             இளவரசி, அரசு வேலைவாய்ப்பிற்காக, ஆசிரியர் தகுதித்தேர்வு எழுதியுள்ளார். முதல் முறை தோல்வி அடைந்த அவர், இரண்டாவது முறையும் தேர்ச்சி பெறவில்லை. இதனால், மனமுடைந்த இளவரசி, நேற்று அதிகாலை, 2:00 மணிக்கு, தன் வீட்டில், துப்பட்டாவில் துாக்கிட்டு தற்கொலை செய்து கொண்டார். நாமக்கல் போலீசார் வழக்கு பதிவு செய்து விசாரித்து வருகின்றனர்.

           வருங்கால ஆசிரியையின் இத்தகு செயலை பாடசாலை வலுவாக எதிர்க்கிறது. இச்செயலுக்கு ஆசிரியை மட்டுமே காரணம் அல்ல, ஆசிரியைக்கு உரிய நேரத்தில் மன அமைதி ஏற்படுத்தி, ஆதரவு அளிக்காமல் போன குடும்பமும், பல்வேறு நிலையற்ற முடிவுகளால் தேவையற்ற குழப்பங்களை ஏற்படுத்திய அரசும் தான் காரணம். இந்த செய்தியின் மூலமாக அரசு விழித்தெழுந்து மேலும் மேலும் ஏற்படும் தற்கொலைகளை தடுக்க வேண்டும். இறந்த ஆசிரியையின் குடும்பத்திற்கு பாடசாலை ஆழ்ந்த இரங்கலை தெரிவித்துக்கொள்கிறது.