தமிழகத்தில் 72.83% வாக்குப்பதிவு.

          மக்களவைத் தேர்தலுக்கான வாக்குப்பதிவு தமிழகம் மற்றும் புதுச்சேரியில் விறுவிறுப்பாக நடந்து முடிந்துள்ளது. தமிழகத்தில் 72.83 விழுக்காடு வாக்குகள் பதிவாகியுள்ளன.

          இன்னும் சில இடங்களில் வாக்குப்பதிவு விபரம் வராததால், முழுமையான விவரம் வெள்ளிக்கிழமை அறிவிக்கப்படும் என்று தமிழக தலைமை தேர்தல் அதிகாரி பிரவீண்குமார் தெரிவித்தார்.தமிழகம், புதுச்சேரியில் மொத்தமுள்ள 40 தொகுதிகளிலும் காலை 7 மணிக்கு வாக்குப்பதிவு தொடங்கிய வாக்குப்பதிவு மாலை 6 மணிக்கு நிறைவடைந்தது.ஒரு சில மையங்களில் வாக்குப்பதிவு இயந்திரங்களில் ஏற்பட்ட கோளாறால், தாமதம் ஏற்பட்டது.காலை முதலே பொதுமக்கள் ஏராளமானோர் ஆர்வமுடன் வரிசையில் காத்திருந்து வாக்களித்தனர்.

குறிப்பாக முதன்முறை வாக்காளர்களான இளைஞர்கள், தங்களது வாக்குகளை செலுத்த ஆர்வம் காட்டினர். புதுச்சேரி மக்களவை தொகுதியில் சுமார் 9 லட்சம் பேர் வாக்களிக்க ஏதுவாக தொள்ளாயிரத்து ஐந்து வாக்குச்சாவடிகள் அமைக்கப்பட்டிருந்தன.இதே போன்று, சென்னை ஆலந்தூர் சட்டப்பேரவைத் தொகுதிக்கும் இடைத் தேர்தல் நடைபெற்றது. பதிவான வாக்குகளை எண்ணும் பணி மே 16-ந் தேதி நடைபெறுகின்றன.