பந்தலூரில் பலத்த மழை; பள்ளிகளுக்கு விடுமுறை

          பந்தலூர் பகுதியில் பலத்த மழையால், வீடுகளுக்குள் வெள்ளம் புகுந்தது; பள்ளிகளுக்கு விடுமுறை விடப்பட்டன.

          நீலகிரி மாவட்டம், பந்தலூர் பகுதியில், நேற்று பலத்த மழை பெய்தது. இதனால், வெள்ளப் பெருக்கு ஏற்பட்டு, சுற்றுவட்டாரப் பகுதி தோட்டங்களில் வெள்ளம் புகுந்ததால், வாழை, தேயிலை உள்ளிட்ட பயிர்கள், நீரில் மூழ்கின. 25க்கும் மேற்பட்ட வீடுகளுக்குள் வெள்ளம் புகுந்தது.

            பலத்த மழையால், பொன்னானி ஆற்றில் நீர் வரத்து அதிகரித்தது. நீர்மட்டம் பகுதியில் மண்சரிவு ஏற்பட்டு, சாலையில் மரம் விழுந்தது. இதனால், பந்தலூர் - கூடலூர் ரோட்டில், போக்குவரத்து தடை ஏற்பட்டது. மழை காரணமாக, பந்தலூரில் அரசு மற்றும் சில தனியார் பள்ளிகளுக்கு விடுமுறை அறிவிக்கப்பட்டது.