மருத்துவ பல்கலை மாணவர்களுக்கு அறிவுரை

          தனியார் மருத்துவக் கல்லூரிகள், எம்.பி.பி.எஸ்., மாணவர் சேர்க்கைக்கு, இந்திய மருத்துவ கவுன்சிலின் (எம்.சி.ஐ.,) ஒப்புதல் பெற்றுள்ளனவா என்பதை உறுதி செய்த பின்பே, மாணவர்கள், அக்கல்லூரிகளில் சேர வேண்டும் என, மருத்துவ பல்கலை அறிவுறுத்தி உள்ளது.

         தமிழ்நாடு டாக்டர் எம்.ஜி.ஆர்., மருத்துவ பல்கலை பதிவாளர் வெளியிட்டுள்ள செய்திக் குறிப்பு: டி.டி., மருத்துவக் கல்லூரி, 2011 -12, 2012 -13 மற்றும் 2013 -14ம் ஆண்டுகளில்,எம்.பி.பி.எஸ்., மாணவர் சேர்க்கைக்கு, எம்.சி.ஐ., யின் ஒப்புதலை பெறவில்லை. இதனால், குறிப்பிட்ட கல்வியாண்டுகளில், இக்கல்லூரியில் படித்த மாணவர்கள், மருத்துவ பல்கலையின் கீழ் வர மாட்டார்கள்.

             தனியார் மருத்துவக் கல்லூரிகள், எம்.பி.பி.எஸ்., மாணவர் சேர்க்கைக்கு, எம்.சி.ஐ.,யின் ஒப்புதல் பெற்றுள்ளனவா என்பதை உறுதி செய்த பின்பே, மாணவர்கள், அக்கல்லூரிகளில் சேர வேண்டும். இவ்வாறு அதில் தெரிவிக்கப்பட்டுள்ளது.