அண்ணா பல்கலையில் பொறியியல் கலந்தாய்வு துவங்கியது

          பி.இ. சேர்க்கை கலந்தாய்வு, அண்ணா பல்கலையில் இன்று துவங்கியது. நடப்பு கல்வி ஆண்டில், பி.இ., படிப்பில் சேர, 1.82 லட்சம் மாணவர்கள் விண்ணப்பித்துள்ளனர். ஆனால், 2 லட்சம் இடங்கள், அரசு ஒதுக்கீட்டின் கீழ் உள்ளன. எனவே, விண்ணப்பித்த மாணவர்கள் அனைவருக்கும், இடம் கிடைக்கும் எனத் தெரிவிக்கப்பட்டுள்ளது.

         இன்று தொடங்கிய விளையாட்டு பிரிவு ஒதுக்கீட்டிற்கான கலந்தாய்வு, வரும் 19ம் தேதி வரை, நடக்கிறது. கடந்த ஆண்டு வரை, இந்த பிரிவில், 100 இடங்கள் மட்டும் இருந்தன. முதல்வர் ஜெயலலிதா, 100 இடங்களை, 500 இடங்களாக உயர்த்தி அறிவித்தார். அதன்படி, இரண்டாவது ஆண்டாக, இந்த ஆண்டும், 500 இடங்கள், நிரப்பப்பட உள்ளன.

           வரும் 20ம் தேதி, மாற்றுத் திறனாளி பிரிவினருக்கான கலந்தாய்வு நடக்கிறது. இதைத் தொடர்ந்து, 21ம் தேதியில் இருந்து, ஜூலை, 30 வரை, பொதுப்பிரிவு மாணவர்களுக்கான கலந்தாய்வு நடக்கிறது.