ஜிப்மர் மருத்துவ கல்லூரி நுழைவு தேர்வு: 69,400 பேர் எழுதினர்

        ஜிப்மர் மருத்துவக் கல்லூரியில் சேர, 14 முக்கிய நகரங்களில், 69 ஆயிரத்து, 400 பேர், தேர்வு எழுதினர்.

         ஜிப்மர் மருத்துவக் கல்லூரி நுழைவு தேர்வு, நேற்று காலை, 10:00 மணிக்கு துவங்கி, 12:30 மணி வரை நடந்தது. அகில இந்திய அளவில், 69 ஆயிரத்து, 400 பேர் தேர்வு எழுதினர். மாணவர்களின் கைரேகை, புகைப்படம் பதிவு செய்யப்பட்ட பின், தேர்வெழுத அனுமதிக்கப்பட்டனர்.

          நுழைவு தேர்வு வினாத்தாள், 200 மதிப்பெண்களுக்கு கொள்குறி வகையில் வடிமைக்கப்பட்டிருந்தது. இயற்பியல், வேதியியல், தாவரவியல், விலங்கியல், ஆங்கில பாடங்களில் தலா, 40 மதிப்பெண்களுக்கு கேள்விகள் கேட்கப்பட்டன.

             மைனஸ் மதிப்பெண் இல்லாததால், மாணவர்கள் உற்சாகமாக தேர்வு எழுதினர். தேர்வு மையங்களுக்கு சென்றுவர, புதுச்சேரி சுற்றுலா போக்குவரத்து கழகம் சார்பில், 100 சிறப்பு பேருந்துகள் இயக்கப்பட்டன.