பி.இ. கட்-ஆப்: 200க்கு 200 மதிப்பெண் பெற்றவர்கள் எண்ணிக்கை சரிவு

           "கடந்த ஆண்டு, கட்-ஆப் 200க்கு, 200 மதிப்பெண்களை, 32 மாணவர்கள் பெற்றனர். இந்த ஆண்டு, 12 மாணவர்கள் மட்டுமே, 200க்கு, 200 மதிப்பெண்களை பெற்றுள்ளனர்" என பொறியியல் சேர்க்கை செயலர் ரைமண்ட் தெரிவித்தார்.

          அவர், நிருபர்களிடம் கூறியதாவது: கடந்த ஆண்டு, 32 மாணவர்கள், 200க்கு, 200 மதிப்பெண்கள் பெற்றிருந்தனர். இந்த ஆண்டு, 12 மாணவர்கள் மட்டுமே பெற்றுள்ளனர். பொறியியல் கல்லூரிகளில், அரசு மற்றும் கல்லூரி நிர்வாக ஒதுக்கீட்டு இடங்கள் என, அனைத்தும் சேர்த்து, 2.8 லட்சம் இடங்கள் உள்ளன.

             இதில், 65 சதவீதம் மற்றும் அதற்கும் அதிகமான இடங்களை, தனியார் கல்லூரிகள், அரசிடம் ஒப்படைத்துள்ளன. அந்த வகையில், அரசு ஒதுக்கீட்டின் கீழ், 1.97 லட்சம் இடங்கள், கலந்தாய்வு மூலம் நிரப்பப்படும். ஒட்டுமொத்த, கட்-ஆப் மதிப்பெண், கடந்த ஆண்டைவிட, 0.25 குறைந்துள்ளது.