மே 24ல் சென்னை பல்கலை தொலைநிலை கல்வி தேர்வு

             சென்னை பல்கலைக்கழகத்தின், தொலைநிலை கல்வி இளங்கலை தேர்வுகள், இம்மாதம், 24ம் தேதி துவங்குகிறது.

         இதுகுறித்து சென்னை பல்கலைக்கழகம் வெளியிட்டுள்ள அறிக்கை: சென்னை பல்கலைக்கழக தொலைநிலை கல்வியில் வழங்கப்படும், பி.ஏ., - பி.காம்., உள்ளிட்ட இளங்கலை படிப்புகளுக்கான தேர்வுகள், இம்மாதம், 24ம் தேதி துவங்கி, ஜூன் 6ம் தேதி வரை நடக்கிறது.

           தேர்வு அட்டவணை, தேர்வு மையம் குறித்த தகவல்கள், தபால் மூலம் மாணவர்களுக்கு தனித்தனியாக அனுப்பப்பட்டுள்ளது. மாணவர்கள், http://www.ideunom.ac.in என்ற பல்கலைக்கழக இணைய தளத்திலிருந்து, ஹால் டிக்கெட்களை பதிவிறக்கம் செய்து கொள்ளலாம். மாதிரி வினாத்தாள், தேர்வு மையம் உள்ளிட்ட தகவல்களையும், பல்கலைக்கழக இணைய தளத்திலிருந்து பெறலாம். இவ்வாறு, அதில் தெரிவிக்கப்பட்டுள்ளது.