சி.ஏ., தேர்வில் முதலிடம் பெற்ற மாணவிக்கு குவிகிறது உதவி

           அகில இந்திய அளவில், சார்ட்டர்ட் அக்கவுன்டன்ட் தேர்வில், முதலிடம் பிடித்த, தமிழகத்தை சேர்ந்த ஆட்டோ டிரைவர் மகள் பிரேமாவுக்கு, தி.மு.க., தலைவர் கருணாநிதி, 1 லட்சம் ரூபாய், மத்திய அமைச்சர் வாசன், 5 லட்சம் ரூபாயும் பரிசாக வழங்குவதாக அறிவித்துள்ளனர்.

        விழுப்புரம் மாவட்டம், சங்கராபுரம் பெரிய கொல்லியூரைச் சேர்ந்தவர் ஜெயக்குமார். இவர் மும்பை, மலாட் எஸ்.பி.கான்சால் பகுதியில், 20 ஆண்டுகளாக, ஆட்டோ ஒட்டி வருகிறார். இவரது மகள் பிரேமா, சமீபத்தில் நடந்த சி.ஏ., தேர்வில், இந்தியாவிலேயே முதலிடத்தில் தேர்வாகி, சாதனை படைத்துள்ளார்.

          இவரது சாதனையை பாராட்டி, தி.மு.க., அறக்கட்டளை சார்பில், மாணவி பிரேமாவுக்கு, பரிசாக, 1 லட்சம் ரூபாய் வழங்கப்படும் என, கருணாநிதி அறிவித்துள்ளார். இதே போன்று, மத்திய கப்பல் போக்குவரத்து துறை அமைச்சர் வாசன், பிரேமாவுக்கு, 5 லட்சம் ரூபாய் வழங்க உத்தரவிட்டுள்ளார். மேலும், ஆட்டோ டிரைவர் ஜெயக்குமாரை, தொலைபேசியில், வாசன் தொடர்பு கொண்டு, பிரேமாவுக்கு வாழ்த்து தெரிவித்தார்.