ஐம்புலன்களை கட்டுபடுத்தும்
ஆறாம் அறிவை அழகுற செதுக்க
சிந்தனையை உளியக்கி
சிரத்தை மிகு சிற்பியாவேன்.
காட்சி பொருளை
கருத்துள்ள பொருளாக்கும்
அறிவு பார்வையை
அவனுக்கு தருவேன்.
உணவுப்பசியை இயற்கை தந்ததனால்
அறிவுப்பசியை அறிமுகப்படுத்தி வைப்பேன்.
விழிப்புணர்ச்சி விடியலில் மட்டும் அல்ல
அறியாமையில் உறங்கி கிடப்பவர்க்கு
அறிவு விழிப்புணர்ச்சி ஏற்பட
அலைபோல் உழைத்து கிடப்பேன்.
நான்கு கால் பாய்ச்சலில் ஓடி
இரையை தேடும் முயற்சி அல்ல இது.
அறிவுக்கால் பாய்ச்சலில் சென்று
ஆன்மிகம், விஞ்ஞானம்
தேட வைக்கும் முயற்சி இது.
அவதாரமாக உருவெடுத்து
அழியாப்புகழ் பெற விருப்பமில்லை.
ஆசிரியராக விழி திறந்து
அன்பு மாணவர்களின்
வெளிச்சப்பாதையாக விருப்பம்.
ஆசிரியராக இருப்பது பெருமை.
ஆசிரியப்பனியின் போதே இறந்து போக விருப்பம்.
நன்றி.- ஆசிரிய கவி- திரு. குலோத்துங்கன்
0 Comments:
Post a Comment
Dear Reader,
Enter Your Comments Here...